சமீபத்திய செய்திகள்
  • எங்களை பின்தொடரவும்

கல்விக்கூட விதிமுறைகளும் பொறுப்புகளும்

கபிலர் கல்விக்கூடம் இலவசமாக நடத்தப்பட்டாலும் அதன் மூலம் பயன்பெறுபவர்கள் அச்சேவையை மதித்து நடப்பதற்காக பல விதிமுறைகள் நடைமுறைப்படுத்தப்படுகிறது. இவ்விதிமுறைகள் கல்விக்கூட நிர்வாகத்தை சீரமைக்கின்றது.

Student Icon மாணவர்களுக்கான விதிமுறைகள்
  • கல்விக்கூடத்திற்கு உரிய நேரத்திற்கு சமூகமளித்தல்.
  • விடுமுறை எடுப்பதாயின் பெற்றோர் மூலமாக கல்விக்கூட நிர்வாகத்திற்கு அல்லது உரிய பாடத்திற்குரிய வளவாளருக்கு முற்கூட்டியே தெரியப்படுத்தல், இக்காரணங்கள் ஏற்றுக்கொள்ளக் கூடியதாக இருப்பதும் முக்கியமானது, முன்னறிவிப்பிற்கு புலனம், தொலைபேசி அல்லது நேரடி முறைகளைப் பயன்படுத்தலாம்.
  • முன்னறிவிப்பு தராதவிடத்து கல்விக்கூடத்திற்கு அடுத்த தடவை வருகை தரும் போது ரூபாய் 50 ஐத் தண்டப்பணமாகச் செலுத்துதல்.
  • தொடர்பாடல் கையேடு எனும் தொடர்பாடல் உபகரணத்தை உரிய முறையில் பயன்படுத்தல்.
  • மாதாந்தப் பரீட்சை, தவணைப்பரீட்சை ஆகியவற்றுக்குத் தவறாது சமூகமளித்தல். வருகை தராதவிடத்து அம்மாணவருக்காக அச்சிடப்பட்ட வினாத்தாளின் இரட்டிப்பு பணத்தைத் தண்டமாக கல்விக்கூட நிர்வாகத்திற்குச் செலுத்த வேண்டும்.
  • கல்விக்கூடச் சொத்துகளுக்குப் பங்கம் விளைவிக்கக் கூடாது.
Teacher Icon ஆசிரியர்களுக்கான விதிமுறைகள்
  • வகுப்பு நடைபெறுவதற்கு 5 நிமிடத்திற்கு முன் கல்விக்கூடத்திற்குச் சமூகமளித்தல்.
  • ஒழுக்கத்திலும் கட்டுப்பாட்டிலும் மாணவர்களுக்கு முன்மாதிரியாக நடந்து கொள்ளல்.
  • பெற்றோர்களுடன் சிறந்த உறவைப் பேணுதல்.
  • குறித்த நேரத்திற்குள் மாணவர்களின் வரவுகளைப் பதிவு செய்தல்.
  • மாணவர்களின் தனிப்பட்ட விடயங்களையும் பல்வகைமையும் மதித்தல்.
  • மாணவர்கள் அல்லது பெற்றோர்கள் சம்பந்தமான குழறுபடிகளை கல்விக்கூட நிர்வாகத்திற்குத் தெரியப்படுத்தல்.
  • மாதாந்த வளவாளர் கூட்டத்தில் தவறாது கலந்து கொள்ளல்.
  • கல்விக்கூட நிர்வாகத்தால் பகிரப்படும் பணிகளை தாமதமின்றி செய்து முடித்தல்.
Parent Icon பெற்றோர்களுக்கான விதிமுறைகள்
  • மாணவர்களின் கல்விக்கூட வருகையை உறுதி செய்தல்.
  • மாணவர்களை உடை நாகரீகத்துடன் பாடசாலைக்கு அனுப்புதல்.
  • மாணவர்களின் குறிப்பேடுகளை நாளாந்தம் அவதானித்து அவர்களின் நிலையை அறிதல்.
  • மாதாந்தப் பெற்றோர் கூட்டத்திற்குத் தவறாது கலந்து கொள்ளுதல்.
  • கல்விக்கூட நிர்வாகத்துடனும் வளவாளர்களுடனும் சிறந்த உறவைப் பேணுதல்.
  • கல்விக்கூடச் சட்டதிட்டங்களை மதிக்க வேண்டுமென மாணவர்களுக்கு ஊக்கமளித்தல்.
  • தொடர்பாடல் கையேட்டை அவதானித்து வீட்டில் மாணவர்களின் கற்றலை உறுதிப்படுத்துவதற்காக அதில் கையொப்பமிட்டு அனுப்புதல்.